Шымкентте жертөледе тұтанған өрттің ішінен екі бала құтқарылды

Шымкентте ғимараттың жертөлесінде тұтанған өрттің ішінен екі бала құтқарылды. Оның бірі онда, екінші 11 жаста.

Құрылысы аяқталмаған ғимараттың жертөлесінде отпен ойнаған олар жалынды өшіре алмай қалған. Түтінге уланған балалардың бірі сол жерде естен танып құлаған. Оқиға орнына жедел жеткен төтенше жағдай қызметінің мамандары қою түтіннің ішінен жеткіншектерді аман алып шықты. Құтқарушылар жасанды тыныс алу құралының көмегімен оладың есін жиғызып, медицина мамандарына табыстады. Тексеру кезінде белгілі болғаны жертөледе қоқыс жанған.

Ғани Қалмаханов