Жаңалықтарды Telegram арнамыздан оқыңыз!Шымкентте 6 баласы бар жалғызілікті ананың пәтері түгі қалмай өртеніп кетті. Сарапшылардың қорытындысы бойынша от электр сымдарының тұйықталуынан тұтанған. Апат болған түні балалардың анасы жұмыста болған. Ол вахталық ауысыммен аспаздың көмекшісі болып жұмыс істейді. Ересек ұлының арқасында перзенттері өрттен аман қалған. Қазір отбасы нағашы әжесінің саяжайдағы баспанасында уақытша тұрып жатыр. Үш бөлмелі пәтерін өз күштерімен жөндеуді бастады. Жалғызілікті ананың арызы бойынша жұмыспен қамту және әлеуметтік қорғау басқармасы 1 миллион 225 мың теңге көлемінде бір реттік жәрдем бермек. Сондай-ақ ерікті жастар апаттан зардап шекккен отбасыға 700 мың теңге қаржы жинап үлгерді.
Ғани Қалмаханов
