Алматыда жанармай құйылған автоцистерна өртеніп, өндірістік аймаққа қауіп төндірді

Алматыда жанармай құйылған автоцистерна өртеніп, өндірістік аймаққа қауіп төндірді. Құтқарушылар тілсіз жауды біреше сағат бойы ауыздықтады.

Өрт қай жерде тұтанды?

Нұрсұлтан Тілектес, тілші:

Кешкі кешкі сағат сегіздер шамасында Төтенше жағдайлар департаментіне Жетісу ауданы Ангарская көшесі 97А мекенжайы бойынша өрт тұтанғаны жайлы ақпарат келіп түскен. 8 минутта оқиға орнына жеткен өрт сөндірушілер жанармай құйылған автоцистерна жанып жатқанын көрген. Құтқарушылардың сөзінше, қызыл жалын екі темір цистернасын шарпып үлгерген екен. Дереу жұмысқа кіріскен мамандар 21:50-де өртті толықтай ауыздықтады.

Зардап шеккендер бар ма?

Нұрсұлтан Тілектес, тілші:

Қызыл жалын 80 шаршы метр аумақты шарпыған. Абырой болғанда зардап шеккендер жоқ. Айта кету керек, тілсіз жауды ауыздықтауға 28 техника мен 80 адам жұмылдырылды. «Өрт сөндірушілер өміріне қауіп төнсе де, жанар-жағармайы бар 10 резервуарға өрттің таралуына жол бермеді. Сондай-ақ жақын маңдағы өнеркәсіптік аймақты қорғап қалды»,- деп атап өтті ведомстводағылар.

Нұрсұлтан Тілектес