Әскери қақтығыс: Украинадағы инфрақұрылым нысандарына 92 миллиард доллар шығын келген

Ресей әскерінің Украинаға кіргеніне бүгін тура 70 күн. Киев экономика мектебінің мәліметі бойынша, ақпанның 24-інен бері елдегі инфрақұрылым нысандарына 92 миллиард доллар шығын келген.

Бомбалау операциялары мен зымырандық шабуылдардан 33 мың шаршы метр тұрғын үй зақымданған, артиллериялық соққыдан 23 мың шақырым жол бүлініп, 90 мыңға жуық көлік қирады.

Қазір Ресей қарулы күштері Донбасс аймағын алуға әрекеттеніп жатыр. Ал, жергілікті армия олардың 12 шабуылына тойтарыс бергенін хабарлады. Осындай шақта Ресей қорғаныс министрлігі мәлімдеме жасап, енді НАТО елдерінен Украинаға жеткізіліп жатқан қаруды нысанаға алатынын ескертті.

Арыстан Рысбек