Сенімсіз депутаттар мандатынан айрылады

Сөзінде тұрмаған, орнында да отырмайды. Сайлаудың мажоритарлық жүйесіне сәйкес бос уәде беретін депутаттар қызметінен айрылады. Осылайша бір мандатты аумақтық сайлау округі бойынша таңдалған депутатты кері қайтаруға негіз бар. Бұл тәртіп конституциялық заңдар деңгейінде реттеледі. Мұндай шара облыстық және аудандық мәслихатқа да қолданылады. Жалпы, Ата заңда суперпрезиденттікті шектеп, Парламенттің құзырын күшейту көзделген. Енді заң Мәжілісте қабылданады. Ал Сенаттың келісу-келіспеу өкілеттігі ғана болады.

Жанар Боқанова, ҚР Президенті жанындағы Мемлекеттік басқару академиясы электоралды оқыту орталығының басшысы:

Президенттің өзінде кейбір сұрақтар бойынша келісім болмаса ол Мәжіліске қайта қайтарады сол заңды. Ал депутаттардың 3-тен 2 бөлігі Президенттің шешімін қабылдамаса, Президент сонымен келісіп заңды қабылдайды.