Елімізде бос жатқан 5 млн гектар жер қайтарылады

Биыл ауыл шаруашылығы жерлерінің пайдаланылмай жатқан 5 млн гектары мемлекетке кері қайтарылмақ. Бұл туралы Премьер-Министр Әлихан Смайыловтың қатысуымен өткен кеңесте айтылды. Жиында ғарыштық мониторинг пен жер карталарын цифрландыру мәселесі талқыланды. Ауыл шаруашылығы министрлігі «Қазақстан Ғарыш Сапары» ұлттық компаниясының базасында ауыл шаруашылығы жерлеріне ғарыштық мониторинг жасаудың жетілдірілген нұсқасының әзірленіп жатқанын жеткізді. Жоспар бойынша бұл платформа биыл жазда іске қосылады.

Берік Көшербай