Жапонияда экскурсиялық қайық апаты құрбандарының саны 11-ге жетті

Жапонияда экскурсиялық қайық апаты құрбандарының саны 11-ге жетті. Бүгін құтқарушылар бір баланың мәйітін тапты. Ал, жексенбі күні жағалау күзеті 10 адамның денесін судан шығарған. Олардың жетеуі ер адам болса, үшеуі - әйел. Екі экипажы бар Kazu-1 қайығы 24 жолаушыны Жапонияның Хоккайдо аралының Ширетоко ұлттық саябағына көркем экскурсияға апара жатқанда апатқа ұшырады. Оның мұндай жағдайға ұшырағаны сенбі күні түстен кейін белгілі болды. Көлік министрлігі қолайсыз ауа райына қарамастан турды ұйымдастырған «Ширетеко Круиз» операторының тергеліп жатқанын хабарлады. Себебі, бұл компания жіберген қайықтары былтыр екі рет апатқа ұшырап, соның біреуін осы жолы суға кеткен көліктің капитаны басқарған.

Арыстан Рысбек