Жаңалықтарды Telegram арнамыздан оқыңыз!Шымкенттегі №11 емхананың бұрынғы бас дәрігері Данияр Айтбаев бірнеше рет пара алғаны үшін 7 жылға сотталды. Сондай-ақ медициналық мекеменің кадр мәселесі бойынша инспекторының да жемқорлық әрекеті дәлелденіп, жазаға кесілді. Сот оны айыбын өтеу үшін 8 миллион теңге төлеуге міндеттеді. Сыбайластар емханадағы жұмыс орнын саудаға салған. Олар 2021 жылдың шілдесі мен қыркүйек айларында невролог дәрігерді жұмысқа қабылдау үшін 300 мың теңге, ал медбикеден 100 мың теңге пара алған. Емхана басшысы мен инспекторды жемқорлық әрекеті үстінде Сыбайлас жемқорлыққа қарсы күрес қызметкерлері қолға түсірді. Абай аудандық сотының үкімі бойынша айыпталушылар енді мемлекеттік органдарда қызмет ете алмайды.
Ғани Қалмаханов
