Денсаулық сақтау министрі теріскейдегі медициналық нысандарды аралады

Денсаулық сақтау министрі Ажар Ғиният Солтүстік Қазақстан облысына барып, өңірдің медициналық нысандарын аралап, дәрігерлермен сұхбаттасты. Аймақтағы шалғай елді мекендердегі жылжымалы медициналық кешендердің жұмысымен танысты. Облыста 10 осындай кешен жұмыс істейді. Сондай-ақ, министр Қызылжар ауданы Знаменское ауылындағы дәрігерлік амбулаторияны да көрді. Төрт төсек-орынға шақталған дәрігерлік амбулаторияда жоспарлы түрде скрининг жүргізіледі. Өткен жылы 438 адам осында скринингтен өткен. 15 адамда жүрек-қан тамыры ауруының белгілері, 10 адамда қант диабеті анықталған. Министр медицина қызметкерлерімен олардың еңбекақысы және біліктілігін арттыру мәселелері туралы әңгімелесті.