Жаңалықтарды Telegram арнамыздан оқыңыз!Шымкентте күн жылынғалы кене шаққандар саны көбейіп барады. Медициналық көмекке жүгінген мұндай науқастардың қатары былтырғы кезеңмен салыстырғанда үш есеге артқан. Бұл туралы санитарлық эпидемиологиялық бақылау комитеті хабарлады. Былтыр «улы жәндік шағып алды» деп дәрігер қарауына небәрі 7 адам келген болса, биыл олардың саны 22-ге жеткен. Дегенмен, кенеден кесел жұқтырып, безгек болғандар жоқ. Былтыр мұндай жағдай екі рет қайталған еді. Шаһарда жылдағы жоспарға сәйкес улы жәндіктерді жою үшін дезинфекциялау ісі басталды. Зарарсыздандыру шарасы мамыр айының соңына дейін жүргізілмек.
Ғани Қалмаханов
