Алматыда құрылыс алаңында үш адамды темір басып қалды

Алматыда құрылыс алаңында оқыс оқиға болды. Бірнеше адам металл жабындысының астында қалған. 

Қуан Нұрақын, тілші:

Бір жақсысы оқыс оқиғадан мерт болған ешкім жоқ. Бірақ мертігіп қалған 4 адам орталық клиникалық ауруханаға түсті. Олардың үстіне темір жабынды құлап кеткен. Медициналық көмек көрсетілгеннен кейін үйіне қайтарылды. Барлығының жағдайы жақсы, жеңіл-желпі дене жарақаттарын алған дейді дәрігерлер. Қалалық полицияның мәліметінше, қауіпсіздік техникасын бұзу дерегі бойынша қазір тергеу жүргізіліп жатыр. Зардап шеккен құрылысшыларға сот-медициналық сараптама тағайындалған. Ал, нысанға жауапты құрылыс компаниясы барлық қызметкерлерге жұмыс алдында техникалық қауіпсіздік бойынша нұсқаулық көрсетілді деп отыр. 

Қуан Нұрақын