Сарыағаш ауданында жеңіл автокөлік жолаушылар автобусымен соқтығысып, 3 адам көз жұмды

Тағы 4 жолаушы түрлі дене жарақатын алған.

Ғани Қалмахан, тілші:

Қайғылы оқиғы кеше кешкі сағат 7-лер шамасында болған. Шымкентке бағыт алып келе жатқан жолаушылар автобусының алдынан Audi көлігі жүйткіп шығады. Салдарынан жеңіл автокөліктің жүргізушісі мен оның ішіндегі екі жолаушы оқиға орнында тіл тартпай кетті.

Автобустағы 4 жолаушы жарақат алып, жедел жәрдем көлігімен Сарыағаш аудандық ауруханасына жеткізілген. Оқиға болған сәтте автобус ішінде 30-қа жуық жолаушы болған. Қалғандары дін-аман. Қазір Түркістан облысы полиция департаменті қызметкерлері жол аптаның себебі мен оған кінәлілерді анықтау үстінде. Оқиға орнында шұғыл іздестіру тобы жұмыс істеп жатыр. 

Ғани Қалмаханов