Мемлекеттік басқару академиясы Италия елшілігімен бірлесіп байқау ұйымдастырды

Ең үздік жобаға – 5 мың еуро. Президент жанындағы Мемлекеттік басқару академиясы мен Италия елшілігі бірлесіп байқау ұйымдастырды. Тақырыбы  – мемлекеттік басқарудың тиімді реформаларын зерттеп-зерделеу, ұтымды тетіктерін ұсыну.

Республика бойынша 45 жұмыс қабылданған. Комиссия мүшелері қазақ, орыс және ағылшын тілдерінде ұсынылған жобаларды іріктеп алды.

Грант иегерін арнайы стипендия, бағалы сыйлықпен қатар, Италияға сапар күтіп тұр. Дарынды, білікті, алғыр жастарды анықтайтын мұндай халықаралық жобаны Мемлекеттік басқару академиясы алғаш рет ұйымдастырған. 

Жазира ДОСМАҒАНБЕТ