Алматыда қар көшкіні астында қалған екі адамның біреуі табылды

Алматыда қар көшкінінің астында қалған екі адамның бірі табылды. Төтенше жағдай қызметі өкілдерінің хабарлауынша, құтқарушылар оны қар астынан шығарып алған.

Алдын ала ақпаратқа сай зардап шегушінің жеңіл жарақаты бар. Екінші адамды іздеу әлі де жалғасып жатыр.

Еске салайық, Алматының таулы аймағында бүгін қар көшкіні жүріп, екі демалушы жоғалып кеткен болатын. Қазір оқиға орнында 30-ға жуық маман, 6 арнайы техника мен кинологтар іздестіру жұмыстарын жүргізіп жатыр. 

Қуан Нұрақын