Мәулен Әшімбаев Бучадағы оқиғаға қатысты: БҰҰ аясында тергеу жүргізген орынды

Буча қырғынының ақиқаты ашылу керек. Адамдардың қаза табуын Украина геноцид десе, Ресей тарапы ондай қылмысқа бармағанын айтады. Алайда трагедияға қатысты Украина халқына да, әлемдік қауымдастыққа да тексерілген мәлімет берілуі тиіс. Сенат төрағасы Мәулен Әшімбаев әзірге асығыс шешім шығармай, халықаралық тергеу органдарының нәтижесін күткен дұрыс деп отыр.

Мәулен Әшімбаев, ҚР Парламенті Сенатының төрағасы:
Эмоцияға салынбай, айып тақпай, БҰҰ аясында тергеу жұмыстарын жүргізген орынды болады деп есептеймін. Комиссия құрылатын шығар. Сол комиссия объективті түрде жан-жақты ақпарат жинап, адамдармен кездесіп, халықаралық қауымдастыққа да ақпаратын беруі керек деген ойдамын.

Нысан Ығыл