Жаңалықтарды Telegram арнамыздан оқыңыз!Батыс саяхатшыларының қазақ жерлерін зерттеу тарихы туралы кітап көпшілікке таныстырылды. Авторы, британдық жазушы, саяхатшы Ник Филдинг осы туындының жарыққа шығуына Ұлы дала көшпенділерінің, хан-сұлтандардың әңгімелері мен оқиғалары себеп болғанын айтті. Жинаққа тіпті Кіші жүз ханы Әбілқайырдың ауызынан шыққан сөздері де кірген. Зерттеуші Қазақстанда 10 жыл бойы өмір сүріп келеді. Жетісу өңірімен жақсы таныс. Алғаш рет оның қазақ даласы туралы жинағы 2019 жылы ағылшын тілінде басылды. Енді туынды Қазақстанның Ұлыбританиядағы Елшілігінің қолдауымен орыс және қазақ тілдеріне аударылып, оқырманның қолына тиді.
Ник Филдинг, саяхатшы:
Сол кезде қазақ көшпенділерінің әңгімелері еш жерде жазылып, сақталмаған. 18-ші ғасырда саяхатшы Джон Касл қазақ даласына сапарында Кіші жүз ханы Әбілқайырмен кездесті. Әбілқайырдың салып кеткен суреті, қазақ мәдениеті мен әдет-ғұрпына тұнып тұрған қолжазбалары мұрағатта сақтаулы. Ханның ауызынан шыққан сөздері де тұңғыш рет жинаққа енді.
