Ақтөбе облысында ағын суда қалған 30 бас жылқы құтқарылды

Ақтөбе облысында ағын су ортасында қалған 30 бас жылқы құтқарылды. Оқиға Алға ауданында болған.

1 үйір жылқы Елек өзенінің бойында жайылып жүрген. Су көтеріліп, өзен арнасы толған кезде олар су ортасында, жағалаудан 400 метр жерде қалып қойған. Өз беттерінше судан шыға алмаған. Жылқыларды құтқаруға Төтенше жағдайлар бөлімінің 3 маманы қайықпен барды. Басында мотор үні мен адамдардан үріккен жануарлар жағаға шығарылды.

Ж. Кемал, Б. Едігеев