Үкімет отырысында халықтың кірісін арттыру жайы айтылды

Бүгін Премьер-Министр Әлихан Смайыловтың төрағалығымен Үкімет отырысы өтті. Жиында әлеуметтік-экономикалық дамудың алдағы жылдарға арналған болжамды жоспары қаралды. 2022-2024 жылдарға арналған республикалық бюджет нақтыланды. Президент тапсырмаларын орындау, оның ішінде халықтың кірісін арттыру бойынша жұмсалатын қаржы көлемі пысықталды. Бұқаралық спортты дамыту, салауатты өмір салтын қалыптастыру іс-шаралары да талқыланды.