Әлихан Смайылов шетелдегі капиталды елге қайтару мәселелерін талқыға салды

Шетелдегі капиталды елге қайтару мәселелері талқыға салынып, шектеу шараларын енгізу мақсатында арнайы комиссия тобы құрылды. Премьер-Министр Әлихан Смайылов кеңес өткізіп, тиісті ұсыныстарды тыңдады. Мәселен, ынталандыру шараларының бірі – келіп түскен валюталық түсімнің 80% айырбас жасалған жағдайда, қайтаруға ұсынылған қосымша құн салығы сомаларын оңайлатылған тәртіппен өтеу. Сондай-ақ азаматтығы жоқ тұрғындарға дивидендтер төлеу кезінде салықтық жеңілдік жасалмауы мүмкін. Одан бөлек, салықтық әкімшілендіруді күшейту бойынша да шаралар пысықталып жатыр. Комиссия жұмысының қорытындысы бойынша, тиісті ұсыныстар Мемлекет басшысының атына жолданады.