Жаңалықтарды Telegram арнамыздан оқыңыз!«Украинадағы жағдай еліміздегі дәрі-дәрмек нарығына әсер етпейді. СК-Фармация биылға қажет препараттардың 93 пайызын алып қойған.» Бұл туралы Атырауға барған Денсаулық сақтау министрі Ажар Ғиният айтты. Министр ауылдық жердегі амбулаториялар мен перзентханаларды аралады. Аймақта кадр тапшы. Осы ретте биыл 52 маман келетінін жеткізді. Коронавирусқа қарсы вакцина тапшылығы болмайды. Дәрі-дәрмек қоры жеткілікті. Қоймадағы препараттың тең жартысынан көбі медициналық ұйымдарға таратылды.
Ажар Ғиният, ҚР Денсаулық сақтау министрі:
Ресейден де Беларуссиядан да қазір 60 пайыз дәрі-дәрмек келген. Қазір 40 пайызы бар. Соны әрі қарай қалай алатынымыз жөнінде келісімшарттар жүргізіліп жатыр. Украинадан екі-ақ пайыз дәрі-дәрмек алады екенбіз. Сол дәрі-дәрмектерімізді қазір Украина басынан қалай жеткізу жөнінде келіссөздер жүргізіліп жатыр.
Жандос Темірғали
