Астанада «EXPO -2017 шығармашылық бульвары» мерекелік шарасы өтеді

6 шілдеде Астана күніне орай орталық Мәдениет және демалыс саябағында сағат 12.00-19.00  «EXPO-2017 Шығармашылық бульвары» мерекелік шарасы өтеді. Бұл туралы astana.kz хабарлады.

Ұйымдастырушылар қала тұрғындары мен қонақтарын ұзындығы 50 метрлік үлкен картина салуға қатысуға шақырады. Кенеп мата  EXPO -2017 көрмесіне арналған.

Әр адам өзін суретші сезініп, тарихта ізін қалдыра алады. Суретті салуға алматылық суретші Серік Буксиков та өз үлесін қоспақ.

Шара аясында конкурстар, сұрақ- жауап сайыстары, үлкендер мен балаларға арналған би, бейнелеу өнері бойынша шеберлік сыныбы ұйымдастырылып, Астана EXPO -2017 көрмесінен естелік сыйлықтар таратылады.