Жаңалықтарды Telegram арнамыздан оқыңыз!Украиналықтарға Қазақстан еріктілері 40 тонна гуманитарлық көмек жөнелтті. Оның ішінде тұрмысқа ең қажетті азық-түлік, киім-кешек пен медициналық заттар бар. Арнайы қабылдау орындары Алматы, Қарағанды, Қостанай, Орал қалаларында ашылған. Бәрін топтастырған екі жүк көлігі елордадан жолға шығады. Қайырымдылық акциясы әлі де жалғасады, дейді еріктілер. Осыған дейін Украинаға 7 авиарейспен 14 тонна көмек жөнелтілген.
Златослава Близнюк, волонтер:
Гуманитарлық көмекті үшке топтастыруға болады. Біріншісі киімдер, тамақ, медициналық дәрі-дәрмек, гигиеналық заттар әкеліп жатқандар өте көп. Екіншісі қаржылай көмек. Түрлі банк төлемдері арқылы ақша жіберіп жатқандар да жетерлік. Үшінші көмек деп біз уақытын бөліп, көмектесіп жатқандарды айтамыз. Олар мынадай заттардың бәрін жинап, қораптарға салып реттеуге көмектесіп жатыр.
