Украинаның Запорожье қаласындағы АЭС-те өрт сөндірілді

Украинаның Запорожье қаласының Атом электр станциясында алапат өрт сөндірілді. Бұған Ресей әуе күштерінің бекеттің ғимараттары мен блоктарын атқылауы себеп. Мұны Энергодар қаласының мэрі Дмитрий Орлов хабарлады.

Атом энергиясы жөніндегі халықаралық агенттік қазіргі қиын жағдайда ядролық қауіпсіздікті сақтау мақсатында Украинаға көмектесу жолдарын Киевпен талқылап жатқанын хабарлады. Өткен тәулікте Ресей әскері бұл қалаға танкілермен кіріп, Еуропадағы ең ірі Атом электр станциясын басып алуға әрекет жасаған. Алайда, энергетикалық кешен жұмысшылары мен жергілікті тұрғындар жолдарды бөгеп, оларды Запорожьеге кіргізбеген еді.

Арыстан Рысбек