Саяси кадрларды даярлау – «Amanat»-тың кезекті міндеттерінің бірі – сарапшы

Саяси кадрларды даярлау – «Amanat»-тың кезекті міндеттерінің бірі. Бұған дейін жұмыс атқарып келген саяси менеджмент академиясының жұмысын жандандыру керек. Осылай деген сарапшылар әсіресе жастарға мүмкіндік беріп, жол ашу керектігін алға тартады. Бір реттік семинар, тренингтерді азайтып, нақты оқыту, тәжірибе алмасу жұмыстарын жүргізу қажет.

Мунира Абулова, Қазақстандық қоғамдық даму институты жобаларды басқару басқармасының аналитик-менеджері:

Партия атауының өзгеруі, ребрединг жасау – халыққа да, партия мүшелеріне де жаңа тыныс бергені анық. Енді осы қарқында жүйелі жұмыстар жүргізілсе дейміз. Жүйені өзгерту үшін – мықты мамандар қажет. Ал сол кадрларды, көшбасшыларды даярлау – кезек күттірмейтін мәселе. Халықпен жұмыс істей алатын, мұң-мұқтажын тыңдайтын, екі ортада көпір болатын жастарды көбірек тартуымыз керек.