Жаңалықтарды Telegram арнамыздан оқыңыз!
Мемлекет басшысының сұхбатынан көңілде жүрген сауалға жауап алдық дейді зиялы қауым өкілдері. Ақын Нұрлан Оразалин «Қаңтар оқиғасынан» кейін халықтың елеңдеп отырғанын айтады. Президент сұхбатында көп жәйттерге тұшымды ойын айтты. Барлығы тыңғылықты тексеріліп, әділ баға берілетініне сенімдіміз дейді ол. Мемлекеттің біртұтастығы – әр азаматтың мойнындағы азаматтық борыш екенін еске салды.
Нұрлан Оразалин, ақын, мемлекет және қоғам қайраткері:
Бәрін таразыға салып отырып, сыртқы тұтастығын сақтап қалу үшін ақылмен сөйлеп, әр сөзін таразы басына қойып отыратын, елдің тағдырын ойыншыққа айналдыруға болмайтынын, соны бағалаған, соған үндеген, сол бағыттағы ел басқарып отырған, еліміздің бірінші басшысының, Мемлекет басшысының өте тиянақты, сабырлы, көңілге толатын сөзі айтылды деп есептеймін.
Азат Перуашев, ҚР Парламенті Мәжілісінің депутаты:
Егемендігімізді сақтай аламыз ба деп еш күмін болмасын деген сөзі өте орынды. Себебі біздің халқымыз дарынды, білімді, жеріміз бай. Мемлекетіміз мықты. Оны да Мемлекет басшысы қаңтар оқиғасында мықтылығымен көрсетті, дәлелдеді. Сондықтан еш күмән болмасын. Біз заманауи, мықты мемлекет жасай аламыз.
