Жаңалықтарды Telegram арнамыздан оқыңыз!Кейде бос жұмысқа орналасу ашық түрде өтпей жатады. Жауапты тұлғалар қызметін асыра пайдаланатын кездер де бар. Маңғыстау облысының әкімі Нұрлан Ноғаев аймақ тұрғындарын еңбекпен қамту мәселесі бойынша брифингте осылай мәлімдеді. Өңір басшысы жұмысқа орналасу бойынша проблемаларды шешу үшін алгоритмді қайта қарап, мәселені назарда ұстайтынын жеткізді. Сондай-ақ барлық маңғыстаулықтарды немесе жаңаөзендіктерді мұнай-газ саласына жұмысқа кіргізу мүмкін емес екені, ал наразылық танытқан мұнайшылардың жалақысы жыл басынан бері 30 пайызға артқаны айтылды. Нұрлан Ноғаев «Мен жұмыс істеймін», «Жастар практикасы» сияқты мемлекеттік бағдарламалар аясында жыл сайын мыңдаған адам еңбекпен қамтылатынын да атап өтті.
