Волонтерларға жұмысқа орналасу кезінде жеңілдіктер қарастырылады

Волонтерларға жұмысқа орналасу кезінде жеңілдіктер қарастырылады. Тіпті мемлекеттік қызметке алынар алдында кандидаттың тәжірибесі ескеріледі. Ал гранттық қаржыландыруға бағытталған қаржы жыл сайын 20 пайызға өсіп отырады. Волонтерлік қызмет, қайырымдылық туралы заң жобасы бүгін бірінші оқылымда мақұлданды. Заңнамалық жаңашылдықтар саланы реттеуге емес, керісінше ынталандыруға және дамытуға бағытталып отыр. Сонымен қатар, мемлекеттік мүлікті жеңілдікпен пайдалану үшін сенімгерлік басқаруға беру туралы нормалар қарастырылып жатыр.