Президент шешімдері – халық игілігіне бағытталған қадамдар – сарапшылар

Президент шешімдері – халық игілігіне бағытталған қадамдар. Қаңтар оқиғасынан кейінгі Мемлекет басшысының азаматтар табысын арттыруға қатысты тапсырмаларын сарапшылар осылай бағалап отыр. Қазір айлығын шайлығына жеткізе алмай отырған қара халықтың жағдайын дұрыстамай, қоғамда тұрақтылық сақтау аса қиын. Президент осыған ерекше көңіл бөліп отыр. Сондықтан табысты арттыруға арналған кешенді шаралар келешекке деген сенімді арттырып, әлеуметтік теңсіздікті жоюға ықпал етуі тиіс.

Бауыржан Ысқақов, экономика ғылымдарының кандидаты:

Өздерінің табысының 85-90 пайызын күнделікті шығындарына жұмсау деген халықаралық тәжірибеде өте жағымсыз фактор болып табылады. Экономиканың тұрақты дамуы, ол халықтың тұрақты дамуымен тікелей байланысты. Президенттің қазіргі уақытта халықтың мүддесіне қарай бұруы, мемлекеттік басқаруды бірінші кезекте ауылдағы адамдардың өмір сапасын арттыруға бағытталып отырғанның ар жағында осындай игілікті істер жатыр деп айтуға болады.