Қызылорда: Қаңтар оқиғасының жаңа видеолары пайда болды

Қаңтар оқиғасы кезіндегі бүліктің жаңа видеосы пайда болды. Бейнежазбада Қызылорда қаласындағы тәртіпсіздіктер анық көрінеді. Бұзақылар көліктерді сындырып, өртеп, тіпті қолдарына қару алып, атысқан.

Сондай-ақ күштік құрылым өкілдеріне қарсы шабуылдап, тас лақтырып, әкімдік ғимаратына баса көктеп кіргенін байқауға болады. Айта кетсек, Қызылорда облысында жаппай тәртіпсіздік салдарынан 9 әкімшілік ғимаратқа залал келген. 26 кәсіпкерлік нысан зардап шекті.