Таразда аутизмге шалдыққан балалар үшін оңалту орталығы ашылды

Таразда аутизмге шалдыққан балалар үшін сауықтыру орталығы ашылды. Мұнда жылына 300 балаға ем көрсетіледі. Бұл – еліміз бойынша тегін қызмет көрсететін 10-шы бейімдеу мекемесі.

Жалпы Жамбыл облысында осындай диагнозбен 219 бала есепте тұр. Жаңадан ашылған орталық күніне 60 баланы 1 сағаттан қабылдайды. Мұндағы мамандар халықаралық сарапшылар әзірлеген технологияларды пайдалана отырып, әр баламен жеке жұмыс жүргізеді. Қазір бейімдеу мекемесінде 52 бүлдіршін тегін ем алуда. Ал, бұған дейін психикасында ақауы бар балалар ақылы түрде қаралып келді. Қала тұрғындарынан бөлек, аудан, ауылдан келген азаматтар да дәрігер нұсқаулығымен балаларын қарата алады.