Мексикада туристер автобусы апатқа ұшырап, шетелдіктер қаза тапты

Мексикада сұмдық автобус апатынан екі франциялық және бір германиялық азамат қаза тапты. Мұны бүгін «Рейтер» агенттігі хабарлап отыр. Оның дерегінше, қайғылы оқиға Канкун курорттық қаласының маңында болған.

Тағы бір мәліметке жүгінсек, 28 адам жараланды. Солардың 12-сі ауруханаға жеткізілген.

Жергілікті прокурордың мәлімдеуінше, автобус трасса бойында өзге автомобильмен соқтығысты. Қазір оқиғаның нақты себебі мен трагедияға кінәлілер анықталып жатыр.

Арыстан Рысбек