Сайлауда квота енгізу – әлемдік тәжірибе

Сайлауда квота енгізу – әлемдік тәжірибе. Дамыған мемлекеттерде квотаның бірнеше түрі бар: гендерлік, этностық, жас ерекшелігіне байланысты және мамандығына байланысты квота.

Сондай-ақ, мүмкіндігі шектеулі жандарға бөлінетін квота да біршама мемлекеттерде қарастырылған. Сарапшылардың пікірінше, бұл жаңашылдық инклюзияны қолдау мақсатында енгізілді. Яғни олар қоғамның толыққанды мүшесі екенін әрі адам құқықтарының жалпыға бірдей екенін сезінуі керек.

Алуа Жолдыбалина, Қазақстан стратегиялық зерттеулер институты директорының орынбасары:

Мүмкіндігі шектеулі азаматтар, мысалы, өзінің үкіметтік емес ұйымдары бар, әр салада көптеген мәселесі бар. Олардың мұңын, «дауысын» жеткізетін өкіл болуы керек. Сол өкілді қамтамасыз ету мақсатында осы квота енгізіліп отыр.