Қасым-Жомарт Тоқаев «Лукойл» компаниясының президентін қабылдады

Мемлекет басшысы «Лукойл» мұнай компаниясының президентін қабылдады. Вагит Алекперов компанияның Қазақстанда атқарып жатқан жұмыстары жөнінде және бірқатар бірлескен жобалардың жұмысы туралы есеп берді.

«ҚазМұнайГаз» ұлттық компаниясы мен «Лукойл» арасындағы Каспий теңізінің қазақстандық бөлігін игеру жөніндегі жобалар бойынша ынтымақтастықтың қарқынды дамып келе жатқанын айтты. «Жеңіс» және «Әл-Фараби» жобалары аясындағы жер қойнауын пайдалануға қатысты келісімшарттар жасалып, жұмыстар басталған. Мемлекет басшысы бұл жобаларға барынша қазақстандық компаниялар мен жергілікті жұмысшыларды тарту маңызды екенін атап өтті.