Көші-қон саласына қатысты 20 қызмет Еңбек министрлігіне берілді

Көші-қон саласының бірқатар қызметі Еңбек және халықты әлеуметтік қорғау министрлігіне берілді. Яғни, Мемлекет басшысының тиісті Жарлығына сәйкес, осыған дейін Ішкі істер министрлігіне қарап келген көші-қон саласындағы 20 функция аталған ведомствоға өтті.

Сондай ақ Еңбек кодексіндегі «Босқындар туралы» және «Халықтың көші-қоны туралы» заңдарға бірқатар өзгерістер енгізілді. Босқындармен жұмыстың дені оларға әлеуметтік көмек пен медициналық қызмет және білім беру жүйесіне бағытталмақ.