Эквадор астанасы Китода тасқын мен лай көшкінінен 11 адам қаза тапты

Эквадор астанасы Китода төпелеп жауған жаңбырдан өзендер тасып, лай көшіп, кемінде 11 адам қаза тапты. Елде мұндай қатты жауын соңғы 20 жылға жуық уақытта алғаш рет болып отыр. Ал, Пичинча вулканынан көшкен лай мен тас талай үйді қиратып, көліктерді сырып әкеткен.

Соңғы мәліметке қарағанда, тау басына құйған жауын мөлшері әдеттегі нормадан 40 есеге асып кетті.

Апат кезінде 32 тұрғын жараланып, талай адам жоғалған. Жергілікті үкімет оларды іздестіруге армия жауынгерлерін де аттандырып жатыр.

Арыстан Рысбек