Қарағандылық сарапшылар Президент сұхбатына қатысты пікір білдірді

Ел Президенті Қасым-Жомарт Тоқаевтың сұхбатында қоғам талқысындағы бірқатар мәселелерге нақты жауап берілді. Мемлекет басшысы қаңтар оқиғасына қатысты тұшымды пікір айтты. Сондай-ақ, елімізді дамыту үшін жаңа әлеуметтік-экономикалық реформаларды жүзеге асыру қажеттігін атап өтті. Бұл ретте саяси партиялардың, үкіметтік емес ұйымдардың, ұлттық кәсіпкерлер палатасының, құқық қорғау органдары мен сот жүйесінің нәтижелі жұмысын қалыптастыру туралы ойы өте орынды дейді қарағандылық сарапшылар.

Серікжан Байбосынов, ҚР Президенті жанындағы Мемлекеттік басқару академиясы филиалының директоры:

Президент көп мәселеге, әрбір шешімнің қандай жолмен келгенін айтып кетті. Бірінші экономика, содан кейін саясат деген ұғымнан бас тартып, бұл екеуін қатар алып жүруге нақты ден қойып отыр. Себебі қоғамдағы өзгерістер саяси өзгерістерді талап етеді, одан кейін бұл өзгерістер экономикадағы өзгерістермен нақты бекітіліп отыру керек.