Жаңалықтарды Telegram арнамыздан оқыңыз!Елімізде кедейлік пен жұмыссыздық деңгейі дұрыс есептелмейді. Статистика нәтижелеріне сенім аз, себебі Үкімет пен жергілікті билік осы екі көрсеткішті үнемі төмендетіп көрсетеді. Сенатор Мұрат Бақтиярұлы мемлекеттік органдардың осы бағыттағы жұмысын сынға алды. Ресми ақпарат бойынша, былтыр елімізде 450 мың адам жұмыссыз болған. Ал кедейшілік деңгейі 4,5 пайыздан аспайды деп көрсетілген. Депутат мұндай мәліметке күмәнмен қарайтынын айтты. Оның есебінше, қазір Қазақстанда 2 миллион адам жұмыс таппай жүр. Сенатор кедейлік пен жұмыссыздық деңгейін есептеу кезінде жалған статистикаға жол берілмеу керектігін айтты.
Мұрат Бақтиярұлы, ҚР Парламенті Сенатының депутаты:
59,36 Кедейлік шегін өлшейтін әлемдік стандарттарға шығуға не кедергі болып отыр? Деректерге сүйенсек, 1 миллионға жуық бала ең кедей отбасыларда тұрып жатыр. Олардың келешегі тұман сияқты бұлыңғыр, яғни жоғалып бара жатқан ұрпақ деп айтуға болады. Сондықтан Үкімет, бірінші кезекте, кедейшілікпен күресудің жаңа жүйесін жасау керек. Келешекте жалған статистикадан толық арылу қажет.
Берік Көшербай
