Павлодар облысының экс-әкімі мерзімінен бұрын босатылмайды

Павлодар облысының экс- әкімі Болат Бақауовтың шартты түрде мерзімінен бұрын босату жөніндегі талап арызын сот қанағаттандырмады.

Естеріңізге сала кетейік, 2020 жылы Бақауовқа қызметтік өкілеттігін асыра пайдаланды деген айып тағылып, сот үкімімен 3,5 жыл еркін жүріп-тұруына шектеу қойылды. Бұл жолғы сот отырысы онлайн өтті. Қорғаушылары мен айыпталушының өзі шартты жазаны алдын-ала алып тастауға түрлі дәйектер ұсынғанымен, прокурор қарсылық білдірді. Мемлекеттік айыптаушының пікірін сот та қолдады. Болат Бақауов қалған 1 жыл 6 ай мерзімді заң талаптарына сәйкес толығымен өтейтін болады.