Экстремистердің мақсаты – көпұлтты Қазақстанға іріткі салу – А.Лукашенко

Экстремистердің мақсаты көпұлтты Қазақстанға іріткі салып, Конституцияға қарсы төңкеріс жасау. Беларусь Президенті Александр Лукашенко Мемлекет басшысы Қасым-Жомарт Тоқаевқа жіберген жеделхатында осылай деп жазды. Бұл туралы Беларусь Президентінің ресми сайты хабарлады.

Ол Қазақстандағы күрделі жағдайға Беларусь халқының алаңдаушылық білдіргенін айтты. «Адам шығынына әкеп соққан бұзақылық құрылымдардың сіздің елге ұйымдастырған шабуылы халықаралық терроризмнің әлемге төндіретін қорқынышты қаупін тағы бір рет көрсетті» деп жазды. Сонымен бірге Украинаның Сыртқы істер министрлігі де елде қақтығыстан қаза тапқандардың жақындарына көңіл айтты.