Бүгінгі ахуал бәрімізге сабақ болуы керек - Арман Қырықбаев

Жаппай тәртіпсіздік кезінде, әсіресе, әлеуметтің жағдайына, шағын және орта бизнесіне нұқсан келтірілді. Осы жағдайды реттеу үшін ең алдымен шерулер бойынша заңнамаларға реттеу енгізілуі керек деген пікірде Нұр-Отан партиясы төрағасының бірінші орынбасарының міндетін атқарушы Арман Қырықбаев. Бүгін ол Ұлттық арнамызға қонақ болып, сұхбат берді.

Арман Қырықбаев, Нұр-Отан партиясы төрағасының бірінші орынбасарының міндетін атқарушы:

Біз осы көріп отырған, осы қазір болып жатқан ахуалдан біз міндетті түрде сабақ алып, менің ойымша, сол біздің шерулер бойынша, басқа да осы уақыттағы заң, болмаса заңнамалардың барлығына реттеу енгізуіміз керек деп ойлаймын. Ол бір нәрсеге шектеу қою деген сөз емес, бірақ ең басты мәселе кез-келген азамат алаңға шығатын болса, шеруге шығатын болса, өзінің құқығы қандай екенін, өзінің құқығының шегі қандай екенін алдында жаңағы биліктің өкілі, полицияның өкілі тұрған кезде оның талабына жүгіну керек екен, бағыну керек екен. Бұл елдіктің ең бірінші шарты екенін түсіну керек.