АҚШ пен Ресей қаңтардың 10-да Украина жөнінде келіссөз жүргізуге келісті

АҚШ пен Ресей қаңтардың 10-да Украина жөнінде келіссөз жүргізуге келісті. Сонымен қатар, Мәскеу қаңтардың 12-13-і күндері НАТО-мен де, Еуропа одағымен де диалог өткізбек. Мұны Ақ үй де, Кремль де растап отыр.

Осыған дейін де президент Джо Байден мен оның ресейлік әріптесі Владимир Путин виртуалдық кездесу өткізіп, Украина мәселесін талқылады.

Америка лидерінің сөзінше, егер Ресей Украинаға басып кіретін болса, бұрынғыдан ауыр санкцияларға алынып, сол әрекетінің үлкен зардабын тартады. Путин болса, Вашингтоннан НАТО-ның шығысқа қарай кеңеймейтініне кепілдік беруді талап етіп отыр.

Кейбір болжамдарға қарағанда, келесі айдағы келіссөздер Женевада, Брюссельде, Венада ұйымдастырылуы мүмкін.