Қызылорда облысында кварц құмын шығаратын комбинат іске қосылды

Қызылорда облысы Арал ауданында кварц құмын шығаратын тау-кен комбинаты іске қосылды. Жаңадан ашылған өндіріс орнына жергілікті 70 тұрғын жұмысқа орналасты.

Инвесторлар теңізді өлкенің топырағын ұзақ жылдар бойы зерттеп, Бельгия, Ресей елдерінің зертханаларында сынама жүргізген. Соның нәтижесінде мамандар Аралдан ең сапалы кварц құмы шығатынына көз жеткізген. Әзірге индустриялық жобаның бірінші кезеңі жүзеге асып отыр. Комбинатта жылына 120 мың тонна байытылған концентрат пен құрылыс ұнтақтары өндіріледі. Оның 30 пайызы ішкі нарыққа, қалғаны шет елдерге экспортталмақ. Сондай-ақ, кварц құмы алдағы уақытта шыны зауытында кеңінен пайдаланылатын болады.