Жаңалықтарды Telegram арнамыздан оқыңыз!Қазақстан Азия кеңесіне 2024 жылға дейін төрағалық етеді. Ұйымның атқарушы директоры Қайрат Сарыбайдың сөзінше, Президент Қасым-Жомарт Тоқаев кеңес жұмысын жетілдіру үшін төрағалықты тағы екі жылға созуды тапсырған. Жалпы, Азия Кеңесіне 27 мемлекет мүше. Олар әскери, аймақтағы қауіпсіздік, экономикалық және экологиялық салаларда әріптестік орнатып, өзара тәжірибе алмасады. Бүгінгі жиынға Түркияның Есірткіге және ұйымдасқан қылмысқа қарсы күрес жөніндегі халықаралық академиясының мамандары келді. Олар есірткі бизнесіне қарсы күресті күшейту, контрабанданың алдын алу мәселелерін тілге тиек етті.
Қайрат Сарыбай, Азия кеңесі Хатшылығының Атқарушы директоры, елші:
Биыл Қасым-Жомарт Тоқаев Қазақстан Республикасының Президенті Қазақстан төрағалығын 2022 жылдан 24 жылға дейін тағы ек жылға ұлғайтуды сұрады. Мұның негізгі мақсаты - Азия кеңесіне нық үлес қосып, Азия кеңесінің алар биіктерінің жақсылап межелеп, сол жаққа жеткізу. Қазақстанның мақсаты - Азия кеңесін толыққанды халықаралық ұйымға айналдыру.
