Жаңалықтарды Telegram арнамыздан оқыңыз!Елімізде кәсіпкерлікті тиімсіз талаптардан арылтатын жаңа заң жобасы қаралуда. Ұлттық экономика министрлігі дайындаған заң жобасы қазір Сенат қарауына жіберілген. Онда кәсіпкерлікті реттеудің жаңа тәсілдерін енгізу көзделуде. Мәселен, бұған дейін жүргізіліп келген ерекше тәртіптегі тексеру жойылады. Сондай-ақ есеп беру тек электронды түрде жүріп, қағазбастылық сынды кедергілер алынып тасталмақ.
Махамбет Мыңбаев, Ұлттық экономика министрлігі Кәсіпкерлікті дамыту саясаты департаменті директорының орынбасары:
Қазір технологиялар дамып кеткен. Бірақ та ескі технологиямен салыстыратын талаптар болуы мүмкін. Қазіргі таңда олардың қажеті жоқ. Сондай талаптарды жою қажет деп ұсыныс береміз.
