Ресейдің Cерпухов қаласында жарылыс болды

Ресейдің Мәскеу облысының Серпухов қаласының әйелдер монастырінде жарылыс болды. Бомбаны православтық классикалық гимназияның 18-жастағы түлегі жарған. Осыған байланысты оқытушылар мен оқушылар қауіпсіз жерге көшірілді.

Жергілікті полицейлердің айтуынша, қаскөй оқу орны ғимаратының ішіне кіріп, өзін жармақ болған. Оқиғадан 7 баламен бірге шабуылшының өзі де зардап шегіп, кейін тұтқындалды.

Болжамдарға қарағанда, ол ұстаздар мен монахинияларды жеккөргендіктен, осындай қылмысқа барған.

 Арыстан Рысбек