Жаңалықтарды Telegram арнамыздан оқыңыз!Көкшетауда жас педагогтардың форумы өтті. Осымен төртінші рет ұйымдастырылған жиында еңбек жолын енді ғана бастап жатқан жас мамандар білім берудің тың әдістерімен бөлісті. Өз жобаларын әріптестерінің назарына ұсынды.
«Педагог мәртебесі» туралы заң қабылданғаны белгілі. Ұстаздардың жалақылары да өсті. Осы өзгерістер жастардың мұғалім болуға қызығушылығын арттырды.
Ақмола облысында биылғы мектеп түлектерінің 2 мыңнан астамы мұғалімдікті таңдаған. Жас мамандарға қолдау жан-жақты. Форумда жыл бойы ерекше көзге түскен жас мамандар марапатталды.
Табысбек Үсен, Молодежный орта мектебінің мұғалімі:
Жақсы, білімді, бәсекеге қабілетті оқушыларды тәрбиелеп шығу үшін біздің де өзіміздің қарым-қабілетіміз соған сай болу керек. Ол үшін осындай форум, жиындар, педагогикалық кеңестер арқылы, басқа да практика жұмыстар арқылы біз өзіміздің біліктілігімізді шыңдап отырамыз.
Ермек Елберген
