Қазақстан мен Түрікменстан арасындағы ынтымақтастық нығая түсуде

Қазақстан мен Түрікменстан арасындағы байланыстар одан әрі нығая түспек. Бұған себеп - бір ай бұрын Қазақстан Президенті Қасым-Жомарт Тоқаевтың көрші мемлекетке іс-сапармен барып келуі. Осыған дейін қос мемлекет арасындағы құқықтық саладағы 20 шақты құжатқа қол қойылды. Екі мемлекет арасындағы тоқыма, ауылшаруашалық пен энергетика бағыттары бойынша тығыз әріптестік бұрыннан бар. Қазіргі уақытта Атамекен Ұлттық палатасы Түрікменстанның өнеркәсіп пен кәсіпкерлік одағымен бірлесіп, жаңа тауарлар тізімін бекітіп, екіжақыты тауарайналымын ұлғайтпақ. Түрікменстанның халықаралық деңгейде бейбітшілік идеясын жүзеге асыруға үлесі зор.

Батыр Реджепов, Түрікменстанның Қазақстандағы Төтенше және өкілетті елшісі:

2021 жыл Түрікменстанның бастамасымен Бейбітшілік пен сенім жылы деп жарияланды. Бұл шешім халықаралық деңгейде де мойындалды. БҰҰ-ның Бас Ассамблеясында 73 мемлекет Түрікменстанның идеясын мақұлдады.