Амазон орманы соңғы 15 жылда ең көп оталған

Бразилияда Амазон орманының оталу деңгейі бір жылда 22 пайызға артқан.

Мұны елдің Ғарыштық зерттеулер агенттігі мәлімдеп отыр. Соңғы деректерге қарағанда, 2020-2021 жылдар аралығында жасыл желектің 13 мыңнан астам шаршы шақырым аумағы жойылған. Бұл - соңғы 15 жылдағы ең үлкен көрсеткіш. Айта кетсек, Амазон тропикалық орманында өсімдіктер мен аңдардың 3 миллиондай түрі бар. Бұған қоса, бұл жерді 1 миллиондай байырғы тұрғын мекендейді. «BBC»-дің мәліметінше, ағаштардың көптеп кесілуіне Бразилияда соңғы кездері ауылшаруашылығы мен тау-кен өндірісіне көп көңіл бөлінуі себеп. Ал, осы айда өткен Климаттық саммитте Бразилия 2030 жылға таман ормандардың оталуын тоқтатуға уәде берді. 

Арай Төлегенқызы