Аяжан Еділованың өлімі: Сот отырысы жабық жағдайда өтіп жатыр
Алматыда қоғамды дүрліктірген Аяжан Еділованың өліміне қатысты сот отырысы басталды. Сегіз айға созылған тергеу амалдары аяқталып, іс сотқа жолданған болатын. Қазір бізбен тікелей байланысқа әріптесім Қуан Нұрақын шығып тұр.
Қуан Нұрақын, тілші:
Отырыс аса ауыр қылмыстық істер жөніндегі мамандандырылған ауданаралық сотта қаралып жатыр. Сағат 10-да басталған жиын әлі аяқталған жоқ. Аяжан Еділованың отбасының өкілі Қадыржан Ғалымжанұлының сөзінше іс 30 томнан тұрады. 30-ға жуық сараптама жасалған. Адвокат іске қатысты бұдан өзге мәлімет берген жоқ. Бұған дейін айыпталушы алқабилер сотынан бас тартқан болатын. Енді тәртіпке сай үкімді судья шығарады. Сот отырысы жабық жағдайда өтіп жатыр. Бұқаралық ақпарат құралдарына сот залына кіруге және онлайн бақылауға да рұқсат етілмеді.
Айта кетейін, осы жылдың 19 наурызында қала тұрғыны Аяжан Еділова жұмыстан шыққаннан кейін хабарсыз кеткен. Бірнеше күннен кейін полиция қыздың қаза болғанын хабарлаған еді. Жоғалған күні Аяжан жаңадан танысқан ер адаммен кездесуге барғаны анықталды. Күдікті ретінде Түркістан облысының тұрғыны, 1993 жылы туған азамат ұсталды.
Қуан Нұрақын
Автор
Қуан Нұрақын
Сондай-ақ оқыңыз
Барлығы
Қазақстан мен АҚШ арасындағы серіктестік қарқынды дамып келеді
10.04.2026, 21:19
Былтыр еліміз IT-қызметтер экспортынан 1 млрд доллардан астам табыс тапқан
10.04.2026, 20:44
Аса ірі мөлшерде ұрлық жасады деген күдікті Грузиядан экстрадицияланды
10.04.2026, 20:43
Ақкөлде қалалық стадион аумағы қоқыстан тазартылды
10.04.2026, 20:42
TazaQazBot Telegram чат-ботына 4 мыңнан астам өтінім түсті
10.04.2026, 20:41
Семейде «SuperStar KZ» жобасына үміткерлерді іріктеу өтті
10.04.2026, 20:39
Ұлттың үнбайрағы «Shalqar» радиосына – 60 жыл
10.04.2026, 20:37
ШҚО-да ардагерлер ұйымы есеп беру конференциясын өткізді
10.04.2026, 20:35