Әлемде коронавирустан қайтыс болғандар саны 5 миллионнан асты

Әлемде коронавирустан қайтыс болғандардың саны 5 миллионнан асқан. Джонс Хопкинс университеті осылай деп мәлімдеді. Өлім-жітімнің жартысына жуығы кірісі жоғары немесе ортадан жоғары АҚШ, ЕуроОдақ мемлекеттері, Бразилия тәрізді елдерде тіркеліп отыр. Бір ғана Құрама Штаттарда ковидтен 740 мың адам жантәсілім еткен. Сарапшылардың мәліметінше, коронавирус құрбандарының саны 1950 жылдан бергі әлемдік қақтығыстардан қаза тапқандардың санымен бірдей.